ყველაფერს ფულით ვერ იყიდი..

ჰო, ჰო, საყვარელი ადამიანების გასახარებლად სულაც არაა ფული საჭირო, საჩუქრის გასაკეთებლად მცირეოდენი ფანტაზია და მარჯვე ხელებიც კმარა.
საახალწლოდ თორნიკეს სურვილები გავიხსენე, საკმაოდ ბევრი რამ უნდა, მაგრამ ჩემი ბიუჯეტით ყველაფერს ვერ გავწვდებოდი, ამიტომ გადავწყვიტე წიგნი მეჩუქებინა, რომლის წაკითხვის სურვილიც ცოტა ხნის წინ გამოთქვა. ჯერ ერთ მაღაზიას მივმართე, არ ჰქონდათ,
შემდეგ მეორეს - არ ჰქონდათ,
მესამეს - არ ჰქონდათ,
მეოთხეს - მაღაზია აღარ დამხვდა ადგილზე..
დილით დაღონებული ვიჯექი სამსახურში, ვფიქრობდი, რა შეიძლებოდა კიდევ მეყიდა და თავს ზემოთ პატარა ნათურა აინთო.
პრინტერი!
რატომაც არა.
წიგნის ელექტრონული ვერსია ერთ-ერთ საიტზე დევს, სამსახურიდან წვდომა არ გვაქვს. მივდექი, მოვდექი, ხალხი შევაწუხე, გადმოვაგზავნინე, შევალამაზე, გავაფორმე, ამოვბეჭდე, დავჭერი, ავკინძე.. ბლოკნოტები დავჭერი, რომ სქელი ყდა გამეკეთებინა, მარკერით სახელი მივაწერე და საჩუქარიც მზად არის!
უკვე ვაჩუქე და ძალიან მოეწონა



ჰუჰაა