როგორ შეიძლება გავერთოთ დიდ გზაზე? მუსიკის ფონზე წიგნი ვიკითხოთ ან რამე ვითამაშოთ. მაგრამ თუ საჭესთან ხართ და მგზავრიც არ გყავთ? ხო, აქ საქმე რთულად გვაქვს. მუსიკის მოსმენა პრობლემა არ არის. არც ხმის აყოლება და ცეკვა, პირიქით, სახალისოც კია, მაგრამ ზოგჯერ შეიძლება არ გემღერება და არც გეცეკვება.ასეთ დროს მე "შპიონობანას" ვთამაშობ. ორი ვარიანტია:
1. მანქანა თუ მანიშნებს, გამატარეო, ვატარებ და მერე მივდევ იქამდე, სანამ ჩვენი გზები არ გაიყოფა;
2. თუ რაღაც მანძილზე უკან მომყვება მანქანა, ვთვლი, რომ მითვალთვალებენ და ვცდილობ, როგორმე დავუსხლტე. ჰოდა ერთ მშვენიერ დღესაც ასათიანიდან რომ ახალ გზაზე გადავუხვიე, უკან მომადგა ვერცხლისფერი შკოდა. სანაპიროზე გავედი, გამომყვა. მშრალ ხიდზე ავუხვიე, ამოუხვია. იქ შევძელი მანქანებს შორის გაძრომა და გავასწარი, მაგრამ შუქნიშანზე მომიხდა გაჩერება და დამეწია. საცობების და შუქნიშნების მოჭრის გზით სახლში უცნაური გზებით ავდივარ და ეს მანქანა კორპუსამდე ამომყვა. და ეს იყო ერთადერთი შემთხვევა, როცა თამაშ-თამაშში ცოტა შემეშინდა და დავიჯერე, რომ "დამეხვოსტნენ".
1 comment:
მე ისედაც მეგონებახოლმე ალბათ )) რა ცუდი შეგრძნება იქნებოდა წარმომიდგენია
Post a Comment