აბდაუბდა

პრეზიდენტის ფოტოკონკურსი

2012-01-24T23:27:00.001+04:00

პრეზიდენტი ფოტოკონკურსს ატარებს, გაიგებდით ალბათ. თორნიკეც (ჩემი პირველი თუ მეორე ნახევარი :D ) მონაწილეობს.ოთხი წელია ერთად ვართ და პირველად ვხედავ ასეთ მონდომებულს და მოტივირებულს.
თუ მოგეწონებათ, არ მოგერიდოთ, გადადით შესაბამის ბმულზე (ან ბმულებზე) და თამამად დააჭირეთ LIKE ღილაკს, მითუმეტეს, რომ ამისთვის თავად პრეზიდენტის გვერდის დალაიქება სულაც არ არის აუცილებელი.

1. ბათუმის ბულვარი

2. ბათუმი, 6 მაისის პარკი

3. თბილისი, თავისუფლების მოედანი

მადლობა ყველას!

2012

2012-01-21T16:38:00.000+04:00

წლევანდელი სურვილები:

✔ ახალი სამსახური;

✔ სახლი;

✔ სწავლა;

✔ tornike.ge-ის დიზაინის შეცვლა;

✔ ქინდლი;

✔ მოგზაურობა.

მეტი არაფერი მახსენდება. ზუსტად ერთი წლის შემდეგ მინიმუმ 5 უნდა გადაიხაზოს!

ქეთოს!

2011-12-31T22:27:00.001+04:00

დააწკაპუნე ზედ

გილოცავ ახალ წელს!
{გული}

from Name to Flag

2011-12-19T22:56:00.000+04:00

ერთი თამაში მაქვს მობილურში - National Flags Quiz, ქვეყნის დროშა უნდა ამოარჩიო 4 სავარაუდო პასუხიდან. ჰოდა იქ შემხვდა.
პატრიოტიზმით არ გამოვირჩევი, აფხაზეთიდანაც მხოლოდ ის მახსოვს, რომ ჩვენი ნათესავების მეზობელს ღობესთან ფეიხოას ხეები ჰქონდა და ნაყოფს ვიპარავდით, მაგრამ გულზე მომხვდა. აი, თვითონ ის ფაქტი, რომ მიწისთვის იბრძვი, საშინელებაა.

ბრედ მელდაუ თბილისში

2011-12-18T22:54:00.001+04:00

+ ერთი დაუვიწყარი საღამო.

The piano has been drinking (not me)

2011-12-16T22:29:00.002+04:00

click me

10 რიცხვის მერე ბარათზე ნაშთის გადამოწმებას მოვუხშირე, ბიუჯეტში აშკარა გარღვევა მაქვს, სამაგიეროდ ჩემს კორსას ახალი ზამთრის საბურავები ამშვენებს, მე კი ბრედ მელდაუს ვიხილავ ცოცხლად.

დღეს სამი ბარათი გავყიდე და ზე-ამაყი წავედი მულენ ელექტრიკში გამომუშავებული ფულის საკვებში გადასაცვლელად. სულ სხვა გრძნობაა, როცა ფული იქიდან მოდის, რისი კეთებაც გსიამოვნებს. თან დიდი ხანია, არაფერი გამიკეთებია, სულ მგონია, რომ არავის აინტერესებს და სტიმული მიქრება, მაგრამ რამდენიმე დღის წინ ერთმა სტუდენტმა გოგომ მომწერა, რომ უნივერსიტეტისთვის თემას წერს და ჩემი "ბიზნესი" აირჩია. ბიზნესამდე ბევრი მიკლია, მაგრამ მესიამოვნა და როცა ბარათებიც შემიკვეთა, ზედმეტიც გავაკეთე. თუ დაგაინტერესებთ, შეგიძლიათ ნახოთ აქ.

ორი დღეა ტომ ვეითს ვუსმენ გადაბმულად და დღეს საღამოს ვიგრძენი, რომ დავსევდიანდი, მოწევა და ღვინო მომინდა, ტომის ხასიათი გადამედო :))) სასწრაფოდ მოვიშორე ყურსასმენი.

რამდენიმე წუთის წინ პირსახოცმოხვეული აბაზანაში შევვარდი და წყალი მოწყდა, loooooser :| ახლა ვწევარ, გვერდით ჩაი და წითელი ღვინო მაქვს მომარაგებული (გეყოფა, ტომ!) და უკვე მერამდენე წრეზე წავიდა Devics - Red Morning.

Sound of Noise

2011-12-10T11:32:00.001+04:00

აუცილებლად უნდა ნახოთ ეს ვიდეო და დარწმუნდებით, რომ ადამიანის ფანტაზია ამოუწურავია:

შემდეგ ეს ფილმი, რომელიც წლევანდელ კინოფესტივალზე "ამირანშიც" აჩვენეს:

ეს კი ჩემი ფავორიტი, მთელი დილაა ამას ვუსმენ და ვცეკვავ:

სიზმართმჭერი (Dreamcatcher)

2011-12-04T22:33:00.001+04:00

ჩემი საკუთარი სიზმართმჭერი მაქვს, შემიძლია მშვიდად ვიძინო.

მასალა:
ქსელის კაბელი;
ლენტი;
თოკი;
გნოლის ბუმბული;
ძაფი;
ხის მძივები.

საყელური

2011-11-27T22:42:00.001+04:00

რამდენიმე დღის წინ წაფების პარკი გამოვიღე კარადიდან, საქმე არ მქონდა და სასარგებლო ჰობი გავიხსენე. ძირითადად პატარა ბურთებია დარჩენილი, რაიმე უკვე მზა ნივთიდან მორჩენილი. თაიას ქუდი მოვუქსოვე, ძალიან პატარაა და ასეთივე პატარა პომპონჩიკი მივაბი.

თაია ჩემი მომავალი შვილიშვილია, ჰო, დეიდაშვილის შვილის შვილი :D ყოველდღე ველოდებით, მაგრამ გარეთ გამოსვლას არ ჩქარობს, ეტყობა გამოდარებას უცდის, ჭკვიანი გოგო.

დღეს მორიგი პატარა გორგალი ამოვიღე, მარიამს რომ მოვუქსოვე შარშან ქუდი, იმის ნარჩენი. რაღაც ახალი უზორით დავიწყე ქსოვა, წიგნში როგორც ეწერა, ყველაფერი თითქოს მასე გავაკეთე, მაგრამ საერთოდ არ ჰგავს იმას, რაც ფოტოზეა :D

ჰოდა, დავიწყე სავარაუდოდ კაშნის ქსოვა, იდეაში გრძელი უნდა ყოფილიყო, 2-3-ჯერ რომ შემომეტარებინა, მაგრამ გზაში ერთი ფერი გამითავდა და მეორე ფერი კიდევ უფრო ცოტა მქონდა დარჩენილი და საბოლოოდ აი, ეს გამოვიდა. ძალიან თბილია და კომფორტული.

სახეს არ ვიმჩნევთ :D

20 Nov 2007

2011-11-27T10:55:00.001+04:00

მე - 4 წლის წინ.

why does it always rain on me

2011-11-23T22:43:00.001+04:00

Travis - Why Does It Always Rain On Me

აი, ყოველთვის, როცა მამაკაცს რაიმე გადაწყვეტილება აქვს მისაღები, სჭირდება ქალი, ოღონდ არა გვერდში დგომისთვის, არც რჩევისთვის, სჭირდება იმისთვის, რომ ხელი ჰკრას, უბიძგოს. და ამ დროს ყოველთვის ხედავ, რომ ქალი ბევრად ძლიერია მამაკაცზე და ეს "ყველას სჭირდება გვერდით ძლიერი მამრი" რაღაც ნიღაბია, რომ "ქალი ნაზი არსებაა" მითი არ დაიმსხვრეს.
არ ვიცი, შეიძლება ყველასთან ასე არ არის და მე ვცდები.

delete cookies?

2011-11-17T18:00:00.000+04:00

ოთახი #409

ჩვენი სამუშაო დღე ამ ფოტოზე 100%–იანი სიზუსტითაა ასახული. რატომ?
შვრიის ნამცხვრები თუ იცით, პატარა, ყავისფერი, ქიშმიშებით, ჩვენი ოთახის საყვარელი სასუსნავია (ეს ის იშვიათი გამონაკლისია, როცა ქიშმიშს არ ვიმჩნევ) + ვსხედვართ და ვშლით სხვის დაგროვებულ ქუქებს :D

must listen

2011-11-16T01:00:00.000+04:00

6pm - free shipping

2011-11-15T20:22:00.001+04:00

გავაჩუქებ 6pm.com-ის უფასო შიპინგის კუპონს, მეილზე გამომიგზავნეს და არაფრის გამოწერას არ ვაპირებ, ტყუილად რომ არ გავაფუჭო, აი, ვინც დაასწრებს, იმის იყოს:

Coupon Code: 6pm11.15E8808910

ვადა: 15-20 ნოემბერი, 2011 წელი

მორბენალი სტრიქონი

2011-11-14T23:30:00.001+04:00

"ვარ 22 წლის მომხიბვლელი გოგონა. გავიცნობ სერიოზულ მამაკაცს სამეგობროდ (ზარი: 1 წთ. - 1 ლარი)."

:)))))

ბოლო დროის აკვიატებები

2011-11-13T09:58:00.001+04:00

ვერი ვერი თრუ :D

2011-09-27T20:29:00.000+04:00

წყარო

ლიმონათი

2011-09-26T21:56:00.000+04:00

ბაბისასთვის

დავაბლენდეროთ:

წვნიანი ლიმონი
რეჰანი
შაქარი
წყალი.

გადავწუროთ, ჩავასხათ გამჭვირვალე მაღალ ჭიქაში, ჩავამატოთ ყინულები და მივირთვათ!

დღეს მოამზადა დედამ, უცნაური, პიკანტური გემო დაკრავს, მაგრამ სასიამოვნო სასმელია. ძალიან მომეწონა. იგივეს მომზადება შეიძლება პიტნითაც, მგონია ბევრად უკეთესი გამოვა. ვინმეს თუ ტარხუნის ლიმონათი გიყვართ, ალბათ ეგეც შეიძლება.

I Shot The Sheriff

2011-09-21T12:47:00.000+04:00

DELETED

2011-09-20T22:51:00.000+04:00

არ ვიცი რა ხასიათზე ვარ. მივადექი და ყველაფერს ვშლი. დღეისთვის წაშლილია:
-რამდენიმე ალბომი;
-ათეულობით სიმღერა;
-ორმოცამდე ადამიანი გუგლ+_დან;
-ფოტოების 50% ფეისბუქიდან;
-7 დრაფტი მეილბოქსიდან.

"გადავშინა"

2011-09-11T00:33:00.002+04:00

მართალია, 25-ში გვაქვს, მაგრამ თორნიკემ საჩუქარი მიყიდა, ვერ მოითმინა და დღესვე მაჩუქა. ისე ელოლიავება, მგონი 25-მდე გადაიფიქრებს და თავისთვის დაიტოვებს :D

გაიცანით, ჩემი ახალი მობილური:

ბოლო დროის აკვიატებები

2011-09-01T22:14:00.000+04:00

1. ონლაინ-მაღაზიები, ოღონდ ტანსაცმელ-ფეხსაცმელს ნაკლებად ვათვალიერებ. საოჯახო ნივთებს, სამკაულებს, სუნამოს, თავის მოვლის საშუალებებს, ფოტო კამერებს ვათვალიერებ, ყველგან ვრეგისტრირდები, კალათში ვყრი ნივთებს, რომ ადვილად მივაგნო. კიდევ კარგი ელექტრონი მაქვს და ამისთვის არ გამოდგება, თორემ მივახარჯავდი მთელს ხელფასს. თუმცა, გამოვტყდები და ბარათებსაც ვარჩევ, ვერ გადავწყვიტე რომელ ბანკს მივადგე.

2. თავის მოვლის საშუალებები. კაცმა რომ თქვას, რა არის ამაში გასაკვირი? უბრალოდ, ადრე კრემებს და ნიღბებს იშვიათად ვიყენებდი, ახლა სულ ამ თემის გარშემო დავტრიალებ ფორუმს, რეცეპტებს ვინიშნავ, ექსპერიმენტებს ვატარებ. გუშინ მაწვნისა და ჰერკულესის ნიღაბი წავიტიტყნე სახეზე, ტანზე კი ჯონსონის ზეთი, ყველა აქებდა და მინდა გითხრათ, ეს უკანასკნელი არ მომეწონა. დღეს ჟიაიას ნაწარმი ვიყიდე, სახის დრის და ღამის ზეთისხილის ექსტრაქტით და ტანის შოკოლადის კარაქი. სუპერ!

3. საბავშო ტანსაცმელი. თორნიკე მანიაკს მეძახის, მარა მიყვარს, ისეთი ლამაზებია, თავს ვერ ვიკავებ და საჩუქრებად ვყიდულობ. აი, შევიარე ერთ-ერთ მაღაზიაში, ჩვილი ბავშვის ტანსაცმლის სასაჩუქრე ნაკრები ვიყიდე თაკოსთვის და გზად რომ ამოვიღე ყუთიდან, გული გამისკდა, ძალიან პატარაა. მერე კი შევნიშნე, კუთხეში წვრილად აწერია 46 სმ. დედას გავატანე და გადამიცვალეს.

ჩამოდით, ჩამოდით!

2011-08-31T23:17:00.007+04:00

შემოდგომის მოსვლა ასე მძაფრად არასდროს მიგრძვნია. სახლიდან სამსახურამდე გზის გავლას მეტი დრო მოვანდომე, მანქანის გასაჩერებელი ადგილიც სადღაც, მესამე ქუჩის ბოლოში ძლივს ვნახე, საღამოს საცობში მოვყევით კოსტავაზე, სანაპიროზე, მშრალ ხიდზე... მორჩა შვებულებები , სწავლა იწყება.

goodbye summertime

აცივდა

2011-08-28T22:45:00.004+04:00

კონიაკიანი ჩაისა და წინდებით ძილის სეზონს გახსნილად ვაცხადებ!

photo by kam0te

ტკბილი სიზმრებისთვის: Belle and Sebastian – For the Price of a Cup of Tea

მე კარგი გოგო ვარ!

2011-08-19T20:48:00.005+04:00

ორშაბათი ცუდად მაქვს დაცდილი, სულ ორშაბათიდან ვიწყებ დიეტას და ამ დღის მოლოდინში იმდენს ვჭამ, რომ მთელი დიეტა აკრეფილის დაკლებას ვუნდები და ქვემოთ ვეღარ მივდივარ.

ჰოდა, აღარც გადავდე. თან კვირაზე მეტია, პურს და ცომეულს არ ვჭამ, მაიონეზს და თხილეულობას არ ვეკარები. გუშინ და დღეს კი ბევრად მოვუკელი და ვცდილობ კალორიები დავთვალო.

წყლის სმა დავიწყე და ძალიან მიხარია. გუშინ წინ 3 წიქა დავლიე, გუშინ - 5, დღეს - 6.

დილით ნახევარ საათიანი გარბენა-მოთელვა ჩავატარეთ მე და თორნიკემ, საღამოს 40 წუთი ფეხით ვიარე შეუსვენებლად. უხეშად რომ დავთვალო, 600 + საზამთროს კალორიები მაქვს მიღებული.

ახლა ვზივარ და ჩემით ვამაყობ. ისეთი მოტივირებული ვარ, რომ მგონია, აღარასდროს მოვიმატებ :)

Diet or not? (გეგმის შემუშავება)

2011-08-17T23:39:00.005+04:00

დღეს ვზივარ და თავში იდეებს ვაგენერირებ. საქმე ისაა, რომ ბრძოლას ვუცხადებ ზედმეტ კილოგრამებს (ოხ, ეს ქალები!). დიეტები მეზარება, რაც მანქანა ვიყიდე, ფეხით აღარ დავდივარ, სამსახურში სულ ვზივარ, მოკლედ, როგორც ხდება ხოლმე.

ჰოდა, ვაწყობ გეგმას, დიიდი ავანტიურა უნდა წამოვიწყო.

ახალ წლამდე -10 კგ!

გეგმა:

კალორიების თვლა უნდა დავიწყო, ყველა აქებს, მართალია შედეგი ცოტა ნელა მოაქვს, მაგრამ არსად მეჩქარება, თან შენარჩუნებაც მარტივი იქნება;
ფეხით უნდა ვიარო. ფლეერს ვტენი, ხვალ მოთელვა უნდა ჩავატარო;
მეტი აქტივობა სახლში! ფორუმზე ვკითხულობდი, თურმე შეიძლება ჭურჭლის რეცხვისას, დაგვისას, მტვრის წმენდვისას კალორიები დაწვა :))
ვარჯიში! სექტემბრიდან აერობიკაზე ვივლი;
სირბილი - თუ გამოვიდა, დიდი ხანია ვაპირებთ, მაგრამ თავი ვერ მოვაბით, საღამოს თორნიკეს არ უნდა, დილით ადგომა გვეზარება. ჰოდა ახლა თვითონ შემომთავაზა და ვნახოთ;
ღამე აღარ უნდა ვჭამო. ეს ცოტა მიჭირს. სახლში თუ ვარ, ვერ ვისვენებ, ვცქმუტავ და ვისუსნები. გარეთ თუ ვარ, ე.ი. სადმე ვქეიფობ/ვსვავ (ნუ მე ნაკლებად).

სისუსტე:

ნაყინი;
შოკოლადი;
საზათრო.

მთავარი მტერი: დედა! ისეთი ხელი აქვს და ისეთი თვალებით გამოგხედავს, სინდისიც არ შეგაწუხებს, ისე დაარღვევ ყველანაირ დიეტას.

ორშაბათს დიდი დღეა, დიდი.

პ.ს. მხარდაჭერა და რჩევები მჭირდება.

Horrible Bosses (2011)

2011-08-16T20:17:00.003+04:00

ძალიან, ძალიან კარგი კომედია. რეკომენდაციას ვუწევ!
ჩემგან: 10/10
IMDB: 7.5/10

I'm currently Out of the Office

2011-08-15T23:04:00.004+04:00

ჩემს მუზას შვებულება აქვს, თვეზე მეტია არაფერი გამიკეთებია, არცერთი ბარათი, სათამაშო, არცერთი პოსტი.
სინდისი არ გვაწუხებს არც მე და არც მას.

მნიამ

2011-07-01T20:55:00.003+04:00

ჩემი პირველი შენგენის ვიზა! ხვალ ბერლინში მივფრინავ. შეხვედრამდე :*

წერილი 15 წლის კუდას

2011-06-16T20:13:00.006+04:00

ანინასთვის

სალამი, კუდ. ვიცი, ახლა ცოტა მძიმე პერიოდი გაქვს, სკოლაში სიარული არ გიხარია, ვისაც დაუახლოვდი, ყველამ გიღალატა, მაგრამ ცოტაც მოიცადე, მალე შოთა გადმოვა შენს კლასში და იპოვი საუკეთესო მეგობარს, რომელსაც ეყვარები, რომელიც გიღალატებს, გულს გატკენს, გაგახარებს, დაგივიწყებს, არ გემეგობრება, მაგრამ მაინც ყველაზე ძვირფასი იქნება მეგობრებს შორის.

გთხოვ, არქიტექტორობა არ გადაიფიქრო, თორემ ხშირად დაგწყდება გული. რა მოხდა მერე, 'გპი' არც ისე ცუდად ჟღერს, თან საქმის ჩაწყობაც არც ისეთი გრეხია, ხაზვა გიყვარს, გემოვნებას არ უჩივი და მონდომებისა და ჭკუის წყალობით, კარგი არქიტექტორი გამოხვალ.

ჰო, სასწრაფოოდ დარეგისტრირდი თბილისის ფორუმზე, მონახე მომხმარებელი სახელად ვუდრო და მისწერე, რომ გიყვარს და ერთად ბედნიერები იქნებით.

უჰ, იმდენი რამე გაქვს განსაცდელი ჯერ...

ვთაგავ ოთოს და ფიქროს :))

ახალი ჰობი

2011-05-28T21:45:00.008+04:00

როგორც ვვარაუდობდი, საკანცელარიო ნივთებში ქექვა მომბეზრდა და სხვა გატაცება მაქვს: კერვა. სამწუხაროდ, აქაც არ მიწყობს გარემო ხელს. ჩემი სუპერ-ბუპერ საკერავი მანქანა გარაჟში ავიტანეთ და ყაჩაღობის მსხვერპლი გახდა, დაშალეს და სავარაუდოდ ვეღარც ავაწყობთ. მამიდაჩემს ვთხოვე მანქანა, ძველია და ზოგჯერ ისე შეჯდება ხოლმე ვირზე, კივილს ვიწყებ. სხვა რა გზაა. თან მუზა მაინცდამაინც თვის ბოლოს გამეხსნა, სახლში ქსოვილების არც ისე დიდი არჩევანი მაქვს, რაც დასაჭრელი ვნახე, ყველაფერი დავჭერი. აი, ჩამერიცხოს ხელფასი, მოვიცალო და გავიჭრები ველად ლილო მოლიში და სულ ჭრელ-ჭრელ მასალას მოვზიდავ, თუ მანამდე მუზამ არ გადამიარა.
ესეც ამ ერთ კვირაში შექმნილი "კოლექცია":

და ჩვენი გოგო, რომელსაც ჯერ სახელი ვერ მოვუფიქრეთ. ვარიანტები ასეთია: ჯუნო, მოლი, ტორი, ლეილა. რომელი?

კოსტუმჩიკ მოი

2011-05-14T16:37:00.005+04:00

საჭირო მასალა:
-მზა კოსტუმი;
-ღილები;
-ჰალსტუხი.
ყველაფერი ეს გემოვნების მიხედვით.

მომზადება:
1. ვხსნით კოსტუმს ყველა ღილს;
2. ვჭრით ჰალსტუხს საჭირო ზომებად, გადაკეცვის ადგილებს ვაუთოვებთ;
3. დაჭრილ ჰალსტუხს ვაკერებთ კოსტუმს მანჟეტების ადგილას;
4. ვაკერებთ ღილებს მანჟეტებზეც და წინ, შესაკრავად.
ვუალა!

მე, ამ შემთხვევაში ღია კრემისფერი კოსტუმი ვიყიდე. ჰალსტუხი მონაცრისფო-მოკრემისფრო ნაჭრისაა ლურჯი ნაკერებით და წერტილ-ვარსკვლავებით. ღილის ფერის იდეაც აქედან გაჩნდა - ლურჯი! ოთხკუთხედი ფორმისაა. შედეგით კმაყოფილი ვარ.

პ.ს. ზოგიერთი თქვენგანი გულში გაიფიქრებთ, ბარემ მზა გეყიდაო, მაგრამ რაც მინახავს, არ მომწონებია, გამოწერა არ მინდოდა, რომ ვერ მოვიხდინო, გული დამწყდება_თქო. ჰოდა, ეს კოსტუმი ზუსტად ჩემი ზომის იყო, თან იმდენად სადა, რომ პირდაპირ მეუბნებოდა, შენი ხმალი და ჩემი კისერიო. მეც, არც ვაციე, არც ვაცხელე, ვიყიდე, გავკერე, ჩავიცვი, წავედი!

თქვენ მოჰკალით ძერა?!

2011-05-11T00:35:00.003+04:00

Fეისბუქზე წერილი მივიღე: "May 10 at 1:29am
მე ვკითხულობ შენს ბლოგს და ძალიან მომწონს : ]"
რა? ბლოგი? ჩემი ბლოგი?
მართალია, ჩემი ოთახის კედლის საათი რამდენიმე დღეა ჯიუტად 10 საათსა და 38 წუთზეა გაჭედილი, მაგრამ პირველი ხდება, მე კი არც ვაციე, არც ვაცხელე და new post ღილაკიც წარმატებით ავითვისე.
პრობლემა: რა დავწერო?
- სხვისი კრიტიკა არ შემიძლია, ჩემს ცხოვრებაში ცხვირს რომ ყოფენ, საშინლად არ მიყვარს, შესაბამისად სხვისი ცხოვრებაც არ მაინტერესებს, ვისაც რა უნდა ის აკეთოს;
- მოდას აყოლილი არ ვარ, ვერც დიზაინერებსა და სამოდელო სახლებში ვერკვევი. დახეული ჯინსი, კომფორტული მაისური, სპორტული კოსტუმი და კეტები - ესაა კუდას საგაზაფხულო კოლექცია;
- კითხვა მიყვარს და მუსიკა, მაგრამ რეცენზიების წერას ნიჭი უნდა, რამდენჯერაც ვცადე ემოციის გადმოცემა, მშრალი გამოვიდა და უკმაყოფილო დავრჩი;
- კრიტიკულ დღეებზე რომ წერენ, საშინლად არ მომწონს, რა საჭიროა სახალხოდ სიტყვით გამოსვლა? თუ რიცხვს ვერ იმახსოვრებთ, აიღეთ კალენდარი და შემოხაზეთ ყოველთვე სასურველ ფრად.

ჰოდა, მოდი, მე იმაზე დავწერ, რა გემრიელი მაწვნის სუპი გავაკეთე დღეს. ყველა ინგრედიენტი სათითაოდ მოვამზადე, მთელი გული და სული ჩავაქსოვე, ბოლოს ერთ დიდ ქვაბში გავაერთიანე და 4 ნახევრად ღრმა თეფშით და 3 დიდი კოვზით გემრიელად დავნაყრდით 8 ადამიანი.

პ.ს. შენ, ჰო, შენ, მადლობა სტიმულისთვის, რომელიც ამ პოსტში საერთოდ არ იგრძნობა, მაგრამ ეს ალბათ იმის ბრალია, რომ 1 საათის ჩაძინებული უნდა ვიყო წესით : ]

სატესტო ევაკუაცია

2011-04-29T22:12:00.004+04:00

ალბათ, ყველას გინახავთ ევაკუაციის გეგმა, სახანძრო ღილაკი, ყუთში გამოკეტილი ნაჯახი... მაგრამ იცით, როგორ უნდა მოიქცეთ ნამდვილი ხანძრის დროს?

დღეს სამსახურში სატესტო ევაკუაცია მოვაწყვეთ, ჩვენ რა, უფროსობამ გადაწყვიტა ასე. მართალია, წინასწარ ვიყავით თარიღზე გაფრთხილებულები, საათი ჩვენით ვივარაუდეთ, საევაკუაციო სიგნალის ჩართვისას ჩაცმაც მოვასწარით, ჩანთის აკიდებაც, კომპიუტერების დალოქვაც, მაკიაჟის განახლებაც და ფრიად კარგი გუნებით გავემართეთ ეზოსკენ, მაგრამ მე მივესალმები მსგავს აქციებს!

შოკოლადის მილქშეიკი

2011-04-25T13:22:00.004+04:00

ინგრედიენტები:
1 ჭიქა ვანილის ან შოკოლადის ნაყინი;
1/4 ჭიქა რძე;
2 სუფრის კოვზი დაფხვნილი შოკოლადი.

მომზადების წესი:
ვაბლენდერებთ ყველა ინგრედიენტებს, მიღებულ მასას ვასხამთ მაღალ ჭიქაში და ვტკბებით.

Chocolate milk shake {heart}

ჩემი ბარათები

2011-03-23T21:36:00.003+04:00

აი, ზუსტად მაშინ, როცა გადავწყვიტე, რომ არაფერი გამოდის, ბარათების ნაწილი გავაჩუქე და ბლოგის დახურვა გადავწყვიტე, ერთ-ერთმა გამომცემლობა დამიბარა, ჩემი ნამუშევარი მოიწონა და სამომავლოდ თანამშრომლობაც შემომთავაზა.
ჯერ არ ვიცი, რა გამოვა. ყოველი შემთხვევისთვის, თითები გადააჯვარედინეთ, ხეზე სამჯერ დააკაკუნეთ ან გადააფურთხეთ და წარმატება მისურვეთ.

ბლოგი
facebook

არშემდგარი საღამო

2011-03-20T23:15:00.007+04:00

2 დღის წინ მეგობარმა მითხრა, კლუბში ტუსია ბერიძე იქნებაო. ბევრი არც მიფიქრია, მაშინვე გადავწყვიტე წასვლა. 11_ზე იწყებოდა, მივედით, ბიჭებს ხელები წაუფათურეს და ჩემდა გასაკვირად დროულად შეგვიშვეს. ნახევარ საათში ორმოციოდე კვადრატული მეტრის ოთახი ხალხით აივსო, ერთ საათში ტევა აღარ იყო და ყველაფერი გაიბუღა. პირველის ნახევარზე ავდექით და გამოვედით, გარეთ 50-მდე ახალგაზრდა კარებს იყო აყუდებული და დაცვას ცრემლიანი თვალებით შესცქეროდა, ვაიდა შევეცოდო და შემიშვასო. ტუსია კი მთელი ამ 2,5 სთ-ის მანძილზე თვალითაც არ გვინახავს. ნეტა იყო საერთოდ?

ესაა ქართული პუნქტუალურობა, პატივისცემა და კლუბური ცხოვრება?!

ფრაზა კლუბის ტუალეტში:
- მე 'პაპრიკას' ტუალეტი მისწორებს ყველაზე მეტად!
©ქართველი ფეშენ-გოგოების დიალოგიდან.

happy mother's day

2011-03-09T20:33:00.001+04:00

კიდევ ერთი ფავორიტი სერიიდან "Fake Science" :)

brainshtorming

2011-01-29T23:24:00.003+04:00

იანვარი

-ახალ წელს შევხვდი ბათუმში, ჩემს ახალ ოჯახთან ანუ თორნიკესთან და მეგობრებთან ერთად, პირველად 23 წლის მანძილზე. მშვენიერი იყო.

-ქეთომ საჩუქრები გამომიგზავნა :გულიკი:;

-დღეს თორნიკემ ყვავილები მაჩუქა, გაზაფხულის სუნი აქვთ;

-ჰობი ბიზნესად ვაქციე. დღეისთვის გაყიდულია 9 ბარათი და 2 შეკვეთა მაქვს;

-2 დღის წინ მანქანა დავტოვე პარკინგზე, გამოვედი და "შელამაზებული" დამხვა. დღემდე არ ვიცი ვის ვაგინო! სავარაუდოდ ნაგვის მანქანამ გადაუარა. ცხვირზე საკმაოდ მოზრდილი ნაკაწრები და მცირედი დაჟეჟილობები აქვს. მეწყინა;

-დღეს თორნიკემ საფულე მიყიდა, საშინლად მომწონს;

-ყურსასმენები ვიყიდე! ჭკუაზე არ ვარ. 20 წუთია ყურზე მიკეთია, last.fm-ს ვუსმენ და დებილივით ვიღიმი. 4 თვე თორნიკეს ფლეილისტს ვუსმენდი;

-თაკო თხოვდება;

-მარიამი... მარიამ!

თურმე

2011-01-20T18:27:00.001+04:00

თუ ძროხას სახელს დაარქმევთ, უფრო მეტს იწველის. იეტნამსა და იაპონიაში კი ძროხების სილამაზის კონკურსი ეწყობა, სადაც კონკურსანტები არამარტო სილამაზეში ეჯიბრებიან ერთმანეთს, არამედ პოზირების ხელოვნებაშიც.

მეღიაბარათე

2011-01-16T22:38:00.002+04:00

არ ვიცი რა ქვია იმ ადამიანს, ღია ბარათებს რომ აკეთებს. მგონი არც აქვს სახელი. ჰოდა ეს უსახელო პროფესია ძალიან მხიბლავს. მიყვარს არაფრისგან ლამაზი ნივთების შექმნა, არაფრისგან იმიტომ, რომ თბილისში საკანცელარიო მაღაზიებში მხოლოდ ბლოკნოტები და საოფისე ნივთები იყიდება. მახსოვს, პირველად ბარათი რომ გავაკეთე, მერე ინტერნეტში ტუტორიალები დავქექე და გამოვშტერდი. ყველაფერი მზა აქვთ, მხოლოდ მიწებება უნდა და 5 წუთში ბარათი მზადაა.
გუშინ ამანათი მივიღე ჩემი დისგან, ბერლინიდან გამომიგზავნა ფურცლები და სტიკერები. დიდი ხანი ვუყურე, სანამ გავჭრიდი. იცით რა ძვირია ყველაფერი?! გერმანიაშიც კი. რომ გამოვიწერო, ძვირი დამიჯდება. ნეტავ შესაძლებელია სადმე ჩავაბარო გასაყიდად? ისიც ვიფიქრე, ბლოგზე დავდებ, იქნებ მსურველი გამოჩნდეს_თქო, მასალის ფული რომ მოვაგროვო, ბიზნესის წარმოებას არ ვაპირებ. იყიდიდით თქვენ? არ გვაქვს საქართველოში ბარათების კულტურა.

ეს რამდენიმე დღის წინ დავწერე და უგულოდ დავტოვე დრაფტებში. მერე, სამსახურში მისულმა გავიფიქრე, რატომაც არა, გავაკეთებ ბლოგს, დავდებ ბარათებს, თუ გაიყიდა, გამიხარდება, თუ არ გაიყიდა - გავაჩუქებ_თქო, გავუზიარე თორნიკეს, რამდენიმე მეგობარს, იდეა მოიწონეს და აი, რამდენიმე საათის წინ ყველაფერი სისრულეში მოვიყვანე.
http://presents4u.wordpress.com/

ჯერჯერობით მეილბოქსი ცარიელია, მაგრამ იმედს არ ვკარგავ და შესაძენ მასალას ვათვალიერებ ინტერნეტში :))

ალექსეი კურბატოვი

2011-01-15T22:14:00.004+04:00

მე მომეწონა ეს სერია.
პირადი ვებ-გვერდი

ჩაეშვა! გაეშვა!

2011-01-11T23:14:00.003+04:00

დაათვალიერეთ, შეაფასეთ, გაუზიარეთ მეგობრებს.
www.tornike.ge

ძვირფასო

2010-12-30T17:29:00.005+04:00

ძვირფასო,
მაპატიე, რომ ეს ბოლო პერიოდია ყურადღებას ვეღარ გაქცევდი, სახლში ვაგვიანებდი, კომპიუტერთან დიდ დროს ვატარებდი, ყველაფერს ვკეცავდი შენი დანახვისას, მაპატიე ამდენი საიდუმლო და ამდენი ტყუილი. ეს ყველაფერი შენთვის გავაკეთე, შენთვის და აი, ეს შენ, ჩემგან.
ჯერ ყველაფერი სატესტო რეჟიმშია და ფოტოებიც საკმაოდ მწირია, უბრალოდ სხვა ორიგინალები ვერ მოვიპოვე და თვალსაჩინოებისთვის ესეც კმარა. დანარჩენი ერთად დავხვეწოთ. გილოცავ ახალ წელს. მაპატიებ?
http://tornike.ge/

უღრმესი მადლობა თაკოს, ბერეჟას, ჯიბლას და ყველა მეგობარს გვერდში დგომისა და საიდუმლოს შენახვისთვის.

update: გუშინ ვაჩვენე და დომენზე აღფრთოვანდა,დიზაინს ეგრევე გადაუსვა ხაზი :|

ქეთოს

2010-12-27T19:28:00.003+04:00

წინაზე უკეთესი გამოვიდა და გული აღარ მწყდება :))

ძვირფასო სანტა

2010-12-19T22:00:00.003+04:00

ისევ მჯერა შენი და ეს ჩემი სურვილებია.
სიყვარულით,
კუდა

შეიკარი ღვედი

2010-12-04T14:55:00.006+04:00

ღვედის შემქმნელად იმდენი ვინმე მოისაზრება, ცოტა დავიბენი. თუ ვიკიპედიას დავუჯერებთ, პირველად ბრიტანელი ნოველისტის, დოროთი რიჩარდსონის ილუსტრატორ ქმარს, აგრეთვე ბრიტანელ ალან ოდლს გამოუგონებია 19-ე საუკუნის ბოლოს, თუმცა იმავე ვიკიპედიის თანახმად, ამ დროისთვის ის მაქსიმუმ 12 წლის გამოდის და მის გვერდზე საერთოდ არაფერია ნახსენები ღვედზე. ამიტომ, მე ამ ვერსიას გამოვრიცხავ.

სხვა ვერსიით, 1911 წელს, ბენჟამინ ფულოსმა (Foulois) შექმნა ღვედი თვითმფრინავისთვის და უკვე მეორე მსოფლიო ომისთვის სრულად დანერგილი იყო სამხედრო ავიაციაში მეტი უსაფრთხოებისთვის. იგივეს მიაწერენ ვინმე სეთ სთონერსაც.

რაც უდაოა, პირველი პატენტი ღვედების შესახებ დარეგისტრირდა ნიუ იორკში, 1885 წლის 10 თებერვალს ვინმე ედუარდ კლაგორნის მიერ. დაპატენტების დოკუმენტში წერია, რომ „შექმნილია ადამიანებისთვის, აღჭურვილია კაუჭებითა და სამაგრებით, რომელიც აფიქსირებს მგზავრებს უძრავად და იცავს მათ.“

მოგვიანებით, ექიმი ჰანთერ შელდენი შეწუხდა ამდენი დამტვრეულ-დაჩეხილი პაციენტების ყურებით და გადაწყვიტა, რაიმე უსაფრთხოების საშუალება გამოენახა. ბევრი იფიქრა თუ ცოტა იფიქრა, მოიფიქრა: ღვედი, უსაფრთხოების ბალიში, კარის ჩამკეტები და სხვა თავდაცვის საშუალებები და გამოაქვეყნა სამეცნიერო ნაშრომი 1955 წელს ამერიკის სამედიცინო ასოციაციის ჟურნალში (JAMA). საბედნიეროდ, ნაშრომი არამარტო მოიწონეს, არამედ 1959 წელს დაამტკიცეს, როგორც სტანდარტი ავტომობილების გამოშვებისთვის.

1970 წელს, ავსტრალიაში, ვიქტორიას შტატში მიიღეს კანონი, რომელიც ავალდებულებდა ყველა მძღოლსა და წინ მჯდომ მგზავრს, შეეკრათ უსაფრთხოების ღვედები.

სამწუხაროდ, საქართველოში ეს ყველაფერი გვიან გაიაზრეს. ჯერ იყო, და რამდენიმე წლის წინ სავალდებულო გახადეს მხოლოდ ტრასაზე გამოყენება, არადა ღვედი ბევრად ეფექტურია ქალაქში, დაბალ სიჩქარეზე. პირველიდან კი შევიდა კანონი ძალაში და დიდი თუ პატარა, ქალი თუ კაცი, მარშუტკის თუ ტაქსის მძღოლი ღვედებგადაჭერილი დადის. მერე რა, თუ ღვედი გაფუჭებულია და ზოგს პატრულისთვის თვალის ასახვევად სკამზე აქვს მიბმული, მერე რა, რომ ჯერჯერობით ჯარიმის შიშით ვაკეთებთ ამ ყველაფერს, ცოტა ხანში მივეჩვევით, მოგვეწონება, შეგვიყვარდება და დავაფასებთ. ამდენი ღვედებგადაკრული მძღოლი თბილისს არ ახსოვს. მე აქამდეც წარმატებით ვიყენებდი და მიხარია.

ბოლოს კი ეს ძალიან ლამაზი ვიდეო:

საღამო მშვიდობის

2010-11-19T20:43:00.004+04:00

განტვირთვის საღამო მაქვს, მშვიდი.

ვწევარ ლეპტოპით, გვერდით ნამცხვრის ნაჭერი და ერთი ჭიქა წითელი ღვინო მიდევს. last.fm-ზე ვალის ვუსმენ. ისეთი ნისლია, შეიძლება მოთოვოს.

ხვალ შაბათია და ვისვენებ.

თურმე

2010-11-15T23:36:00.000+04:00

„გასეირნება ქვეცნობიერებაში“

2010-11-10T19:51:00.004+04:00

შედეგები:
თქვენი ცოდნა პროფესიულ სფეროში საკმაოდ ძირფესვიანია, თანაც განუწყვეტლივ ცდილობთ ამ ცოდნის გამდიდრებას.
თქვენი აზროვნების ტიპი არის შერეული. მსგავსად მოაზროვნე ადამიანები პრობლემებთან მიმართებაში ან ინტუიციას იყენებენ, ან ლოგიკურ მიდგომას ამჯობინებენ. სტრეტეგიას სიტუაციიდან გამომდინარე ირჩევთ. კრეატიული აზროვნება თქვენთვის უცხო არ არის და ხშირადაც მიმართავთ. ძალიან არ გსიამოვნებთ საკუთარი შეცდომების აღიარება.
მეგობრებს ისევე არჩევთ, როგორც ანტიკვარიატს არჩევენ – მათ უნდა ახასიათებდეთ თავიანთი თავისებურებები და სულაც არ არის საჭირო, რომ ისინი ერთმანეთს იცნობდნენ. სამაგიეროდ, თუ შემთხვევა მოიტანს, იტყვით: „აი, ერთთან ვმეგობრობ და ის...“ მეგობრები საკუთარი თავდაჯერებულობისათვის გჭირდებათ. (ეს ტყუილია)
გარშემომყოფთა მიმართ ინტერესს ამჟღავნებთ, მაგრამ არ გსურთ, რომ მეგობრული და ამხნაგური დამოკიდებულებები ტვირთად დაგაწვეთ. ცდილობთ, რომ სულში არავის ჩაუძვრეთ და არც საკუთარი ფსიქოლოგიური კომფორტის ხელყოფის საშუალებას აძლევთ ვინმეს.
არასოდეს ქმნით კონფლიქტს და გვერდს უვლით მწვავე სიტუაციებს.
სიყვარულში: თქვენ იპოვეთ თქვენი მეორე ნახევარი და ტკბებით ამ ურთიერთობით.

როგორ იქცევით, როცა პრობლემა გაქვთ: ქვეცნობიერად ცდილობთ ყოველგვარ პრობლემას გვერდი აუქცოთ.
გზიდან თქვენი გადაცდენა პრაქტიკულად შეუძლებელა. ყოველგვარი შავ–ბნელი საქმიანობა თქვენთვის უცხოა და მიუღებელი.
თუ შეგიძლიათ დახმარება – ამას აკეთებთ. მაგრამ არ გიყვართ, როცა წამდაუწუმ გთხოვენ შველას.
თქვენი ცხოვრება სწრაფ ტემპში მიდის. ცოტა გადაიღალეთ და გინდათ ამოისუნთოთ. შეეცადეთ, რომ სადმე წახვიდეთ და კარგად დაისვენოთ.
წარსულთან კონფლიქტი არ გავთ, მაგრამ შესაძლებელია ის არც თუ ისე მშვიდი ყოფილიყო.
გიყვართ წიგნები? თქვენ განათლებული და ერუდირებული პიროვნება ხართ. პატივს სცემთ განათლებას და განათლებულ ადამიანებს.
ნათესავებთან მეგობრული ურთიერთობა გაქვთ. გესმით ერთმანეთის და ხშირადაც დადიხართ სტუმრად. საერთო ჯამში, იდეალური ურთიერთობაა და თქვენთვის ყველაფერი მისაღებია.
თქვენ ყოველთვის უსახავთ საკუთარ თავს მიზნებს და ნელ–ნელა მიიწევთ მათკენ. შესაძლებელია თქვენი ოცნებები მალე ასრულდეს.

Bold - 100%

italic underline - 0%

bold italic - მესიამოვნა და ძალიან მინდა ასე იყოს!

თქვენც ისიამოვნეთ

I'm puzzled

2010-10-25T22:31:00.003+04:00

დღეს ძალიან მოულოდნელი და სასიამოვნო საჩუქარი მივიღე: 3 ათასიანი პაზლი!

მადლობა, ოთო!

აბაDELLიDELLიDELLიDELLა

2010-10-20T21:12:00.000+04:00

აბაDELLიDELLიDELLიDELLა

აბა?! :)

უკვე მოშინაურდა, ჩანთაც ვუყიდე, მაუსიც, საწმენდი სითხე და ტილოც, ინტერნეტის კაბელიც გავაცანი და აგერ, ბლოგზეც მშვენივრად ვპოსტავ.

მშვენიერი რამეები ხდება ჩემს თავს, მართალი იყო ლაშა, თუ ერთად იქნებით, უფრო მეტს შეძლებთო, რომ მეუბნებოდა, თუმცა, ჩემი საყვარელი მეუღლის გასაგონად: ლეპტოპი ჩემია!

და შენ უფრო მიყვარხარ <3

სასტუმრო მათუსალა / Hotel Methuselah

2010-10-15T22:44:00.000+04:00

დღეს, სამსახურიდან გამოსვლისას, ლიფტში თანაშრომელს 'დავემგზავრე', რომელმაც თბილისის საერთაშორისო თეატრალური ფესტივალის მონაწილე ერთ-ერთი სპექტაკლის 2 ბილეთი მაჩუქა.
"სასტუმრო მათუსალა" - ასე ქვია ენდრიუ ქუიკის სპექტაკლს.
დადგმა იყო საოცარი, სცენაზე გაცოცხლებული კინოკადრები, მუსიკალური გაფორმება საკმაოდ ზუსტი და მსახიობები, რომლებიც ჩვენს წინ ტრიალდებოდნენ და 3D ეფექტი იქმნებოდა. თუმცა ზედმეტად გართულებული იყო და ეს მასობრივი სექსის სცენები, ბუზები, სისხლი ცოტა გადამეტებულიც ჩანდა.

მოკლე შინაარსი: ჰარი, რომელსაც თავში რაღაც დაუზიანდა ომის დროს, კადრებად იხსენებს წარსულს, ახსოვს, რომ სადღაც ფრანგულად კითხულობდა, ახსოვს, რომ ჰყავდა მეგობარი გოგონა, რომლის არც სახელი ახსოვს, არც სახე. ახლა სასტუმროში, ღამის პორტიედ მუშაობს და უცნაურ ხალხთან უწევს ურთიერთობა, რომლებიც უმტკიცებენ, რომ ჰყავს ცოლი, შვილი და ჯარისკაცია. ამასთან, ყოველდღე, შუაღამისას, სასტუმროში მიდის გოგონა იარაღით და ითხოვს ოთახს, დასალევს და სექსს მისგან. უყვება ჰარის ისტორიას გოგოსა და ბიჭზე, მათ ურთიერთობებზე, მაგრამ არ იცის, როგორი დასასრული აქვს ისტორიას და ჰარის ახსენდება კადრებად მეგობარი გოგონა, რომელიც იყო კი მისი მეგობარი? და ასე გრძელდება მანამ, სანამ ერთ დღეს იარაღის გავარდნის ხმას გაიგებს. მეთოთხმეტე ოთახში, სწორედ იმ ქალის უსულო ცხედრის გვერდით ჰარი საკუთარ ფოტოს იპოვის ჯარისკაცის ფორმით.

რა შეიცვალა?

2010-10-14T14:28:00.000+04:00

სტატუსი შემეცვალა და მარჯვენა ხელის არათითზე ოქროს ბეჭედს ვატარებ;
ვნახე სტამბოლი, დიდი ხნის სურვილი ავისრულე, მაგრამ თორნიკემ მოიწყინა და საკუთარი თაფლობის თვიდან დროზე ადრე გამომაქცუნა :( ;
აღარ გვიწევს ჩხუბი ისეთ საკითხებზე, როგორიცაა "შენ სულ სახლში გინდა, დღეში ისედაც 2 საათით გხედავ", "სად წავიდეთ?" და მისთანებზე;
მნიშვნელოვნად შემცირდა მშობლებისგან შემოსული ზარების რიცხვი საღამო/ღამის საათებში;
გაიზარდა სანაცნობო/საახლობლო/სანათესაო წრე;
დავდივარ მანქანით, ცოლის სტატუსი რომ არა, მამაჩემის ხელში ჯერ კიდევ შორიდან მომიწევდა ჩემი მანქანის ყურება;
სამაგიეროდ ჩხუბის ახალი მიზეზი მომემატა "რეზკად ატორმუზებ (მე მომიტევეთ :))) )", "ფრთხილად, წინ მანქანაა", "წითელი ანთია", "ჭკუას ნუ მასწავლი, ჩემით გავაკეთებ", "ერთი კვირაა რაც საჭესთან ვზივარ, მაქვს შეცდომის დაშვების უფლება", "გადადი მანქანიდან" და ა.შ.
კომპიუტერთან ვეღარ ვჯდები, თორნიკეს სულ "საქმე" აქვს და მე დროის მოსაკლავად ან ვალაგებ ან ვკითხულობ ან მოწყენილობისგან ვკვდები და ვიწყებ ბუზღუნს ყურადღების მისაქცევად;
ქმარმა დაიწუნა ჩემი გოჭი ყულაბა, პატარაა და თან იხსნებაო, თვითონვე გააკეთა ყავის ქილისგან და ჩემი მთელი წლის ნაგროვები 40 ლარი თავისთან გადაყარა;
ახლა მაგიდას უკვე 2 კაცზე ვშლი ხოლმე, მერე მე ვალაგებ, თორნიკე ჭურჭელს რეცხავს ან პირიქით.

მინუსები:

არის ერთი დიდი მაგრამ, ბიუჯეტის სიმცირის გამო მშობლებთან ვცხოვრობთ და მაინცდამაინც ვერ ვგრძნობ ცხოვრების ამ ახალ ეტაპს.

პლიუსები:

არანაირი კომუნალური, არანაირი ხარჯი საკვებში და + დალაგება-საჭმლის მომზადება "მომსახურებაში" შედის :)

Step In The Name Of Love

2010-09-24T11:05:00.001+04:00

თითქმის 3 წლის წინ თორნიკემ პირველად მითხრა, რომ ვუყვარვარ. ისე გავიქეცი, 3 კვირა არ გვინახავს ერთმანეთი. მერე ისე, მეგობრულად ვხედავდით ერთმანეთს, დავბოდიალობდით, მერე მეგობრულად ჩავკიდეთ ხელი და ბოლოს ისევ იმ "მიყვარხარ"-მდე მივედით. შემაბა, მომეწონა და ჩავთვალე, რომ მიყვარს.

2-3 თვეში ზუსტად ვიცოდი, რომ მიყვარდა, ოჯახზე არც გვიფიქრია, ეს დრომ მოიტანა, დაახლოებით ერთი წლის შემდეგ, როცა საუბარში ახალი ფრაზა შეგვერია - "როცა ერთად ვიცხოვრებთ".

მერე რიგრიგობით გვინდოდა ერთად ცხოვრება, ხან ის იყო წინააღმდეგი, ხან მე. შუალედებში ვჩხუბობდით, ვრიგდებოდით, ვჩხუბობდით და ისევ ვრიგდებოდით.

როცა ზაფხულში დამიჩოქა და ხელი მთხოვა არც თუ ისე რომანტიულ ადგილას რომანტიული მთვარის ფონზე, დავთანხმდი, მაგრამ ერთად ცხოვრებას მაინც ვერ მოვაბით თავი, მიზეზები არ გველეოდა (ძირითადად მე), ვინმე გვჭირდებოდა, ვინც ხელს გვკრავდა, დაგვაჩქარებდა. ჰოდა, წინა სამშაბათს ეს პიროვნებაც გამოჩნდა, გვიჯიკა და შედეგიც სახეზეა, 28 საათში ჯვარს ვიწერთ და პირდაპირ სტამბოლისკენ მივემართებით.

დრო: დღის 3 სთ

ადგილი: ჩიტაძეზე, წმინდა ნინოს ეკლესიაში

დრეს-კოდი: არანაირი შეზღუდვა

საჩუქრები: ყველანაირი სახის

დასწრება თავისუფალია!

|> Step In The Name Of Love

comming soon

2010-09-23T09:33:00.002+04:00

ოპერაცია Ы

2010-09-19T10:11:00.000+04:00

იყო და არა იყო რა, იყო წყვილი თეთრი კეტი. ერთმანეთი ძალიან უყვარდათ და ცალ-ცალკე არ დადიოდნენ. არ ეშინოდათ წვიმისა და ქარის, არც ტალახის, არც დასვრის, თქვენ წარმოიდგინეთ და არც სარეცხი მანქანის. ერთხელაც არ დაუწუწუნებიათ ტრიალისგან მიღებულ თავბრუსხვევაზე, მაგრამ დრო თავისას შვებაო და დაბერდნენ, დრო მოჭამეს, შედგნენ, გაიცვითნენ, გათხელდნენ, გაჭუჭყიანდნენ. მე, როგორც ერთგული მფლობელი, ვერ შეველეოდი და სასწრაფოდ შევიძინე აკრილის საღებავები, ფუნჯების ნაკრები და შევუდექი ოპერაციას სახელით 'Ы'.

პირველი ნახატი, ეტყობა ხო?! ჩიტს ვხატავდი და არც წიწილაა, არც მწყერი, რაღაც შუალედურია

ეს ჩემი თევზების ხსოვნის საპატივცემულოდ, აქ უნიტაზში ჩარეცხვა არ ემუქრებათ!

ბუ, რომელიც რუსულ ვინი პუხს ჰგავს

ღამის ეფექტი დავადე :))

თომასი, მემე, ჯიბლა, ჯეკი ჩანი და კნუტა

მსუქანი მსუქანი ჩიტი

ჩემი მსუნაგობა აქაც უნდა ჩანდეს!

ეს მე ვარ

მგონი უნდა ამომეტრიალებინა

და ბოლო, ის ჩიტ-მწყერ-წიწილა დაგავაჟირაფე! ვუალა

გამოცდილია წვიმასა და სიცივეში. არ გადაადის!

Mom, can I...?

2010-09-05T22:59:00.000+04:00

К черту диету!

2010-08-31T22:34:00.000+04:00

აბუდელაურის ტბები Vol. 2

2010-08-30T23:46:00.000+04:00

5 წლის შემდეგ არც თოვლი დამხვდა, არც ტბები, არც ემოციები იყო ისეთი. მაინც ლამაზია იქაურობა და თეთრი ტბა როგორც იქნა ვნახე. არ მეგონა, თუ ოდესმე კიდევ მოვხვდებოდი იქ. მეტის მოყოლის სურვილი არ მაქვს.

: ]

2010-08-22T20:55:00.001+04:00

შვებულება / ბათუმი

2010-08-20T11:27:00.000+04:00

აუტანელი სიცხე, მშვენიერი წყალი საცურაოდ, ერთი შეხედვით სუფთა, თუმცა ალაგ–ალაგ მოცურავე ფეკალიებით. გზად ისე დავიღალეთ, ბინის მოძებნის თავი არ გვქონდა, ნაცნობ ოჯახს მივაკითხეთ და უნახავად დავთანხმდით ერთადერთ დარჩენილ ოთახზე იმის შიშით, რომ ჩემს შემდეგ 2 წუთში მოსულ გოგოს არ დაესწრო. შედეგად მივიღეთ დასაგველი, ცხელი და კოღოებით სავსე ოთახი. მშვენიერი!

როკ ფესტი, როგორ ველოდით. საშინელება! ჯერ ერთი, ზუსტად იგივე ხალხი, ვინც თბილისის მსგავს ფესტივალებს სტუმრობს და თავი აქ მეგონა. მერე მეორე, საშინელი პუბლიკა – აჭარელი კაიბიჭობა, რომლებიც მიკროფონთან მისვლას და დედის გინებასაც კი არ ელოდებოდნენ და კულმინაცია – არანაირი დაცვა ამ ყველაფრის თავიდან ასაცილებლად. ბათუმი როკ ფესტი ჩაფლავდა.

თუმცა შაბათ–კვირას იმდენი მეგობარი შემოგვემატა, თბილისში აღარავინ დარჩა და ცხვირჩამოშვებულები ავედით ბათუმი–თბილისის ჯაყჯაყა ავტობუსში.

შვებულება / ცხენისწყალი

2010-08-18T23:14:00.000+04:00

თორნიკეს სოფლის ღირსშესანიშნაობები დავათვალიერებინე, ცხენისწყალი, იმერეთ–სამეგრელოს გამყოფი ხიდი, ბინული და მჟავანაძის სახლის ნარჩენები ვანახე. ცხენისწყალზე კარგად გაერთო, ვინც არაა ნამყოფი, ქვიშიანი წყალი მოდის, საკმაოდ სწრაფია, საცურაოდ არ ვარგა, თუმცა ბავშვობაში ხშირად მიჭყუმპალავია. ახლა მხოლოდ გატალახებით და ფეხების დასველებით შემოვიფარგლეთ.

სამეგრელოს მხარეს საოცარი რამ ვნახე: ქმარი ჩრდილში იჯდა, ცივ წყალს მიირთმევდა, ცოლი მანქანას რეცხავდა, დისკებიც გაუპრიალა, მერე გაამშრალა და წავიდნენ :| ალბათ უყვარს იმ ქალს რეცხვაო, ზოგმა მითხრა, თუმცა რავი, არ მგონია. გული ჩამეწვა.

შვებულება / კინჩხა

2010-08-17T23:02:00.003+04:00

ვინც არ იცის, კინჩხა ხონის რაიონის ბოლო სოფელია, საკმაოდ მაღალზე მდებარეობს და ცნობილია ჰაერით და ჩანჩქერით. ჩემი სოფლიდან იქამდე 25 კილომეტრია. მაცხოვრებლებმა გვიქეს, გვიდიდეს. ჩვენც დილით საგზალი ავიღეთ და წავედით. გაჩერებაზე ნახევარსაათიანი ყურყუტისა და ლოდინის შემდეგ ნიკოლოზის დროინდელი ავტობუსი მოვიდა. გზა პირველი 10 კილომეტრი კარგია, ტრასაა დაგებული. გორდიდან იწყება აღმართები და გზას ნუ მკითხავთ, დავიღალე, დავიტანჯე, ყველა კუნთი დამეჭიმა. გაჩერებიდან ჩანჩქერამდე 1,5-2 კილომეტრი ფეხით სასიარულოა, ძირითადად აღმართები. ჩანჩქერი კი ჩანს, თუმცა წვრილად. გულს არ ვიტეხ, ალბათ ახლოდან ლამაზია_თქო. თვითონ სოფელი ნამდვილად ლამაზია, კაკაბაძის "იმერეთი" გამახსენდა. მთები, ტყე, ჰაერი, აქ ყველაფერია, რაც ჩემს სოფელს აკლია.
მივედით ჩანჩქერთან და საბოლოოდ გადაგვეწურა იმედი ჩანჩქერის სილამაზის ნახვისა და გაგრილების. გვალვის გამო წყალი ისეთი დამშრალი იყო, რომ ქვემოთ ჩანჩქერისგან მხოლოდ წვეთები აღწევდა. საბანაო ადგილი აღმოჩნდა დაგუბებული ადგილი დაახლოებით 8 მეტრი სიგრძის და 5 მეტრი სიგანის, სადაც 30 კაცი იწვა. დავრჩით გაღიმებულები. ავტობუსის გასვლამდე საკმაო დრო იყო დარჩენილი, ამიტომ გაგრილების სხვა საშუალებას მივმართეთ: პატარა გუბეში ჩავსხედით. აღმართები დაღმართებად იქცა, უცებ ჩამოვირბინეთ, ავტობუსმა კი ისევ საშინლად გვახტუნავა.

კვატი <3

შვებულება / დღე მესამე

2010-08-17T22:47:00.001+04:00

თორნიკემ გაიღვიძა და არაო. ვერაო. შენ წადი, მე სახლში ვბრუნდებიო. ფეხები იტკინა და გზას ვეღარ გავაგრძელებდით. ბახმარომდე 3 დღე ტყით უნდა გვევლო, დასახლებული პუნქტების გარეშე და უკან გამოსაბრუნებლად საირმე საუკეთესო ვარიანტი იყო. ავიბარგეთ, ბავშვები გავაცილეთ და ჩვენ ქუთაისისკენ ავიღეთ გეზი. ტრანსპორტი შუადღემდე არ გადიოდა, კეთილი მძღოლების იმედად ფეხით დავადექით გზას. 1 საათის შემდეგ ზუგდიდელმა წყვილმა შეგვიფარა და ბაღდადამდე ჩამოგვიყვანა. იქიდან მარშუტკით ქუთაისში ჩავედით, თეთრი ხიდი მოვინახულეთ და ხონისკენ დავიძარით.

მორჩა საირმე

მე და პიკასოს ბიჭი

ფიის, ლავ :))

შვებულება / დღე მეორე

2010-08-17T10:20:00.003+04:00

საშინელი ღამე იყო. ცუდად მეძინა. დაღმართზე გიძინიათ? გინდა თუ არ გინდა, ქვემოთ მისრიალებ კარვის ბოლოში და ფეხს ვერ შლი. + ღამით რაღაც ცხოველი მოვიდა კარავთან, დაგვსუნა. ფშვინვაც ისმოდა. დათვი მეგონა, შემეშინდა, სუნთქვა შევიკარი, მაგრამ მერე მივხვდი, რომ ხმა მეზობელი კარვიდან მოდიოდა, ვიღაცას მშვიდად ეძინა და ხვრინავდა, ვინ დაგვსუნა, ეს არ ვიცი, ზემოთ, მთაზე მწყემსები მოჩანდნენ და ალბათ მათი ძაღლი იყო. 7 საათზე გამოვლაგდით, ავშალეთ ბანაკი. დარჩენილი წყლით ნახევარი ჭიქა ჩაი და ნახევარი ჭიქა ყავა გამოგვივიდა, ყველამ მოვყლუპეთ და გავუდექით გზას.

ისევ აღმართი, ჩვენ წვეთი წყალი არ გვაქვს, ხელ–პირიც დაუბანელი, გამოფხიზლებაც ვერ მოვასწარით, მაგრამ იმედიანად მივდივართ, იქ, სადღაც, იმერეთში წყალი გვეგულება. და უცებ, ჩვენი ბაზიდან 50-60 მეტრში კვამლი გამოჩნდა, შემდეგ საშინელი სუნი, მერე ქოხები და წყალი! მწემსები ცხოვრობდნენ. მარაგი შევავსეთ და გავუდექით გზას.

ყვითლად გზაა მონიშნული

გუშინდელისგან განსხვავებული პეიზაჟებია. სამანქანო გზას მივუყვებით, თუმცა სამანქანო რა, ალბათ წელიწადში 2–3–ჯერ რამე ხიდიანი მანქანა თუ დადის. მარცხნივ მწვანე მთა, მარჯვნივ – აბასთუმანს დავყურებთ და ობსერვატორიის თავი პატარა ბურთად მოჩანს. ლამაზია აქაურობა. ეს აჭარა–იმერეთის ქედია. იმერეთისკენ რომ გადავუხვიეთ, დაღმართები დაიწყო. კარგი სიჩქარე გვაქვს აღებული. გზად რამდენჯერმე შევჩერდით წყლისთვის, საჭმლისთვის, გეოგრაფიული კვლევებისთვის.

ქედზე

საირმემდე 30 კილომეტრია, მართალია დაღმართები, მაგრამ ამხელა ბარგით ცოტა ძნელია. არ ვიცით შევძლებთ თუ არა გზის გავლას დაღამებამდე. გზას ვაგრძელებთ. საირმისკენ რომ ჩავუხვიეთ, ტყე დაიწყო, მარცხნივ მდინარე მოგვყვებოდა. გზად – არაფერი. სამიოდე მანქანა შეგვხვდა, მათ შორის ერთი ვილისის ტაქსი და ჩვენი დიდი იმედი, რომ უკან ჩამობრუნდებოდა და ბარგს მაინც გავატანდით, არ გამართლდა, აღარ ჩამოუვლია.

საირმემდე დარჩა 8 კილომეტრი, 7 კილომეტრი, 6, 5... 4.... ცოტაც.... 3.... ქვემოთ ჩავდივართ და ჩავდივართ. არც სახურავები მოჩანს, არც კაციშვილის ხმა ისმის. ბოლო კილომეტრები ძალიან გაიწელა. აშკარად ან ჯიპიესი გვატყუებს ან რომა. უცებ მოსახვევი გავიარე და ანძა! 2 ანძა! ვაშა! ცივილიზაცია! ხალხი! კაციშვილი არ ჩანს, რომ სიხარული გავუზიარო. სახლები მაინც არ მოჩანს, მაგრამ იმედი არის, რომ გზა არ შეგვშლია, რომ მალე მივალთ. დაახლოებით 30–40 წუთში სახურავებიც გამოჩნდა, ხმაც გავიგეთ, ჟრიამულიც. ესეც საირმე. და ეს ანძები სავარაუდოდ მობილური ოპერატორების ანტენები იყო.

ანტენები <3

ხალხი უცნაურად გვიყურებს, გიჟები ვგონივართ. ვიღაც მილიციელი შეგვეგება და საკარვე ადგილიც მოგვაძებნინა, იქვე ცენტრში, თუმცა რა ცენტრში, საირმეში სულ ათიოდე შენობა დგას ერთი პარკის გარშემო. ამ პარკში ამოდის ის სამკურნალო წყლები, თბილი და გაზგასული ნაბეღლავის გემოთი. არ მომწონს აქაურობა, ჰაერი მძიმეა, ხალხი პირქუში, ყველას ჭიქა უკავია და ყლუპ–ყლუპად სვავს წყალს. ბრრრრ. ომისშემდგომ ქალაქს მაგონებს აქაურობა.

კარვები გავშალეთ. იქვე აბანო ვიპოვეთ. რახან ბევრნი ვიყავით, ფასდაკლება გვაჩუქეს და 3 ლარის ნაცვლად 2 ლარად შევედით ჭუჭყის ჩამოსარეცხად. იფ, კარგია.

შედეგი: 30 კილომეტრი, დრო არ მახსოვს

შვებულება აიღო და არ დავასვენე <3 :)

2 კაცი გვაკლია

წუთშესვენება

იმერეთი, სისხლმა მიყივლა

საირმის ბაზა

წყარო #2, სიბინძურეა

მხოლოდ ეს ადგილი მომეწონა

შვებულება / დღე პირველი

2010-08-16T22:18:00.001+04:00

შეხვედრის დრო: 28/07/2010 07:30

შეხვედრის ადგილი: მეტრო დიდუბის მიმდებარე ტერიტორია

ტვირთი: 10-11 კგ.

ჩვენ პირველები მივედით, არავინ ჩანდა. მერე დიდჩანთიანი ხალხი გამოჩნდა. მხოლოდ ერთს ვიცნობდით, ორგანიზატორს, რამდენიმე სახეზე ვიცოდი. აჰა, შევიკრიბეთ. ჩაცმულობა–აღკაზმულობით თუ ვიმსჯელებთ, გამოუცდელები იყვნენ. მათ შორის ერთი კაბით და პატარა ქუსლიანი სანდლებით, თვალებს არ დავუჯერე, მეგონა დას აცილებდა, მაგრამ შევცდი. მოგვიანებით ეს ბავშვი სულ პირველი არბოდა აღმართებში, კარგად იარა ძალიან.

საკვები ვიყიდეთ, მარშუტკა შევავსეთ და 9 საათისთვის დავიძარით. 3-3,5 საათში უკვე აბასთუმანში, ბორჯომ–ხარაგაულის ტყე–პარკის შლანგბაუმთან ვიყავით. ბარგი ჩამოვაწყვეთ, საკვები გავინაწილეთ, ავიკიდეთ და გავუდექით გზას, უკვე 2 საათია. გზად სტენდი შეგვხვდა დაახლოებით მსგავსი შინაარსის: "მარჯვნივ წახვალ, მგელი შეგჭამს, მარცხნივ წახვალ – დათვი". ჩვენ დათვი ვარჩიეთ და გადავუხვიეთ. მალევე ჩამოვსხედით და ენერგიის შესავსებად ვჭამეთ, ვსვით. რა ცუდია სავსე კუჭით მოძრაობა, მაგრამ დილიდან უჭმელები ვიყავით, თან სახლიდან წაღებული ღვეზელები მამძიმებდა და 'გავასაღე'.

წყლები შევავსეთ და გავუდექით გზას.

ყველაფერი წინ არის

თავიდან გზა კარგი იყო სასიარულოდ, თითქმის სწორად მიდიოდა, მარცხნივ მდინარე, მარჯვნივ – ტყე, გზად ბევრი წყარო გვხვდებოდა. რამდენჯერმე მდინარის გადავლა მოგვიხდა და თითქმის ყველას დაგვისველდა ფეხები. 7-8 კილომეტრის გავლის შემდეგ გზა ორად გაიყო. რომამ გადაწყვიტა, რომ მარცხნივ უნდა აგვეღო გეზი და ასეც მოვიქეცით, 30-40 წუთის შემდეგ უღრან ტყეში აღმოვჩნდით, გაუკვალავზე მივდიოდით მუხლამდე ბალახებში. გზა აგვებნა. უკან დაბრუნება გვიანი იყო, დაგვიღამდებოდა, ამიტომ პირდაპირ გადავჭერით გზა ერთი მთიდან მეორე მთაზე, ყელამდე ჯინჭრებით და ბალახებით და უცებ ბრახ! მუხლამდე წყალში ჩავვარდით, ნაძვებში გავიხლართეთ, მაგრამ ავედით!

ბორჯომ-ხარაგაულის ტყე-პარკი

აღმართები დაიწყო, მდინარე ქვემოთ დარჩა, ხევმა ჩაანაცვლა, წყალი აღარ გვხვდებოდა, მოფრთხილება დავიწყეთ. სულ ვიწრო გზა და აღმართები. ზღვის დონიდან 1900 მეტრი; 200 მეტრი. ღამდება, კარვის გასაშლელი ადგილი არ ჩანს, წყალი არ ჩანს, აღმართი არ მთავრდება. 2100 მეტრი. მობილურმა დაიჭირა! კიდევ რამდენიმე მეტრიც და გზა ოდნავ გაფართოვდა. სხვა გზა არ იყო, უნდა გავჩერებულიყავით, ბნელდებოდა.

კარვები გავშალეთ. ერთი იმხელა იყო და ისეთი უცნაური, თავი და ბოლო ვერ გავუგეთ, ინსტრუქციაც არ მოყვა. როგორღაც ფეხზე დავაყენეთ და იატაკი არ აქვს!

ცეცხლი დავანთეთ. ბევრი სუპი გვქონდა ნაყიდი, მაგრამ წყალი დაგვრჩა ძალიან ცოტა. მშრალად ვივახშმეთ და დაღლილები კარვებში გადავნაწილდით.

შედეგი: 6 საათი, 13-14 კილომეტრი, 800 მეტრით მაღლა ავედით.

ბარგი: 12-13 კგ (საჭმელი დამემატა)

შეცდომა: შორტები მეცვა. შედეგად ფეხები მაქვს მეორე კლასელი ბავშვივით დაკაწრულ–დასუსხული.

ეს ის კარავია

შვებულება

2010-07-28T00:22:00.000+04:00

ორშაბათიდან შვებულებაში ვარ. კარგი შეგრძნებაა, ყველა სამსახურში რომ მიიჩქარის და შენ გაღვიძებას არც კი ჩქარობ, მაგრამ უკეთესია, როცა სახლს, ქალაქს სცილდები და დასასვენებლად მიდიხარ.
ჰოდა, აგერ, ბარგი ჩალაგებულია. სიას გადავხედე, თითქმის ყველაფერი ჩავდე, დილით გაყინულ წყალს და შოკოლადებს მივამატებ, ავიკიდებ ბარგს და გავეშურები დიდუბისკენ.

სალაშქროდ მივდივარ, უფრო სწორედ, ექსპედიციას მივყვები აბასთუმანში, საიდანაც ქობულეთისკენ დავიძვრებით ფეხით და შევისწავლით ნიადაგს. მე რისი შემსწავლელი ვარ, მაგრამ შემომთავაზეს და სიამოვნებით დავთანხმდი. ეს თორნიკესთვის პირველი ლაშქრობაა და სახეზე აწერია, რომ ჩემი ხათრით უფრო მოდის, ვიდრე საკუთარი სურვილით, მაგრამ დარწმუნებული ვარ, მოეწონება და შემდეგი ლაშქრობა სწორედ მისი ინიციატივა იქნება.
ჰოდა ასე. რა მავიწყდება? ჰო, ტელეფონი უნდა დავტენო, წიგნი შევარჩიო და დავიძინო.
თუ ვინმეს ჩემზე გული შეგტკივათ, ფეისბუქზე განვაახლებ სტატუსებ ადგილმდებარეობისა და ფიზიკური თუ სულიერი მდგომარეობის შესახებ.

ჩემი ერთ-ერთი ოცნება

2010-07-26T23:20:00.000+04:00

მე ვუპოვნე ტვიტ.ჯის გამოყენება, შენ?!

2010-07-24T22:39:00.001+04:00

რა არის Tweet.ge? ეს არის სინგულარ ჯგუფის ახალი პროექტი, რომლის მთავარი მიზანიც შენი ნაფიქრების მკითხველამდე მიტანაა ტვიტერის დახმარებით, რომელიც თავის მხრივ შეგიძლია სხვადასხვა ვებ-გვერდებსა და სოციალურ ქსელებს დაუკავშირო და შესაბამისად ეს ინფორმაცია ვრცელდება და მოიცავს მთელს სანაცნობო, საახლობლო, სამეგობრო თუ უცნობთა წრეებს, ვისაც ამ ინფორმაციამდე ხელი მიუწვდება.

ტვიტერის არსებობა შარშან თუ შარშან წინ გავიგე, დავრეგისტრირდი, გავიხედ-გამოვიხედე, მოვიხურე კარი და აღარც გამხსენებია მანამ, სანამ რამდენიმე თვის წინ არ აღმოვაჩინე, რომ ჩემი ვირტუალური თუ რეალური მეგობრების დიდი ნაწილი აქტიური მომხმარებელია. მაშინ ხელმეორედ დავუბრუნდი ამ საიტს, გავაქტიურდი, ორ კვირაში კი ისევ მომბეზრდა. დღევანდელი მონაცემებით ამ პერიოდის მანძილზე 54 ტვიტი მაქვს დაგროვებული, აქედან ბოლო 3 - დღეს.

შესაბამისად, ზინგულარის პროექტმა დიდად ვერ მომხიბლა და აღმაფრთოვანა, მორიგ სისულელედ მივიჩნიე და აზრადაც არ მომსვლია დარეგისტრირება, სანამ...

სამშაბათს მივდივარ ექსპედიციაში გაურკვეველი ვადით. მიმაქვს მობილური, თუმცა კარავში მის დატენვას ვერ მოვახერხებ, ელემენტი კი იშვიათი გამოყენებისას 4 დღე უძლებს და წარმოიდგინეთ, სადღაც ტყეში წასულს აუცილებლად მომიწევს ძვირფასი ადამიანებისთვის (თუ ეს გრძნობა ორმხრივია) იმის შეტყობინება, რომ არ მცივა, არ მშია, არ მწყურია, მგელმა არ შემჭამა და თავზე არ მაწვიმს. აქედან გამომდინარე, დღეს შეგნებულად გავხსენი ტვიტ.ჯი, დავრეგისტრირდი, მივაბი ტვიტერი Google Buzz-ს, Facebook-ს, ბლოგს და ამგვარად ერთი გასროლით ვკლავ უამრავ კურდღელს.

მორალი 1: არასოდეს თქვა არასოდეს!
მორალი 2: ნუ ჩაიქნევ ხელს ნაადრევად, ყველაფერს თავისი დრო და გამოყენება აქვს!

ვუალა! ჩამოვალ და ისევ დავიკიდებ იქაურობას. ერთადერთი რაც მხიბლავს, ეს ტვიტერის ჩიტუნაა, მაგრამ ამ ეტაპზე მე ვუპოვნე ტვიტ.ჯის გამოყენება.

პიპო პაპო

2010-07-23T22:04:00.000+04:00

ამ ბოლო თვეში იმდენი კარგი რამ მოხდა ჩემს ცხოვრებაში, გახარებული ვარ და მინდა სულ ასე გაგრძელდეს!

Opel Corsa SWING

გილოცავ დაბადების დღეს

2010-07-22T22:47:00.000+04:00

რა საჭიროა მოცდა, როცა შეგიძლია საყვარელი ადამიანი გაახარო დღესვე?
დღეს დილიდან თორნიკეს დაბადების დღეს ვულოცავ. მეგობრებმაც მიულოცეს. თორნიკე გაკვირვებული იყო. საქმე ისაა, რომ დაბადების დღე 2 აგვისტოს აქვს, იქამდე კვირაზე მეტი დარჩა, მე კიდევ საჩუქრები სამი კვირის წინ ვიყიდე და უკვე ჩამოვიდა კიდეც. და რა საჭიროა მოცდა? აზრს ვერ ვხედავ. მითუმეტეს არც კი ვიცით რა ვითარებაში შევხვდებით დაბადების დღეს, სამშაბათს სალაშქროდ მივემართებით გაურკვეველი მიმართულებითა და გაურკვეველი ვადით.
ჰოდა, ასე და ამგვარად,საჩუქრები პატარა ყუთში წიხლით ჩავტენე, ყუთი შევალამაზე და შევფუთე. ცოტა გოთური კი გამოვიდა, მაგრამ ლამაზი იყო.

და მგონი ძალიან გავახარე. რაც მთავარია, ყველაფერი მოერგო და ჩემი ონლაინ შოპინგი შარშანდელივით კრახით არ დასრულდა :D (აი, ჩანთა რომ ვუყიდე დიიდი და რომ ჩამოვიდა პატარა და მე და ჩემი სანდრო ვხმარობთ ხოლმე :D)

ესეც საჩუქრები

თორნიკე, გილოცავ დაბადების დღეს!

გჩუქნით

2010-07-16T22:46:00.001+04:00

საჩუქარი ყველას, განსაკუთრებით კი ოთოს

აბა, ყველამ ერთად გადმოვწეროთ ეს დაარქივებული ფაილი, ამოვაარქივოთ, გავუშვათ სულ სულ ბოლო 'fceu.exe'

შემდეგ, File -> Open

მივუთითოთ დაზიპული ფაილი '1200-in-1_[p1]'
და დავტკბეთ

ჩამოვიდა :love:

2010-07-15T21:00:00.000+04:00

პიჟამო, 9.90 $

მაისური, 10.9 $

+ 1 მაისური, რომლის ფოტოც არ მაქვს, მაგრამ ძალიან ძალიან საყვარელია, უბრალოდ ჯერ არ ვიცი, ჩემი მწვანეა თუ ვარდისფერი :D

31-ე 11

2010-07-12T02:08:00.001+04:00

ყოველთვის ყველაფერი ისე სხვანაირად წარმომედგინა, ხალხით, ჰელიუმიანი ბუშტებით, შამპანიურებით ან ღვინოებით, მუსიკით, მთვარით, ჟრიამულით, თხოვნით, წამიერად ჩამოვარდნილი დუმილით და საბოლოო პასუხით "დიახ!"
აქედან მხოლოდ მთვარე, დუმილი და პასუხი "ახდა", მაგრამ ყველაფერი ისეთი მოულოდნელი იყო. არც კი დავფიქრდი.944 დღე ერთად <3
მიყვარხარ, ბუ.

30/70

2010-07-07T22:33:00.000+04:00

30% Extrovert, 70% Introvert

lol

არადა ყველა მიყვარს

ან ყველა საყვარელია

ან ძირითადად ყველა

:)))

მარა ინტრავერტი ვარ, ვაღიარებ!

შენ?

თურმე

2010-07-04T23:16:00.000+04:00

Ну где ж

2010-06-29T00:29:00.001+04:00

Ну где ж эта птица, ну где ж эта птица

მთელი დღეა ვკრებ, ვამრავლებ, ვყოფ, ვაკლებ და არა, არაფრით იცვლება ჯამი. ხომ შეიძლება 2+2 იყოს 20? მაგრამ არა! ჯიუტად
2+2=4
Может быть ей свободно и здорово
Она летает и гадит на головы

please, keep her in your pocket

2010-06-26T21:46:00.000+04:00

And in your own mind
You know you're lucky just to know her
And in the beginning all you wanted was to show her
But now you're scared
You think she's running away
You search in your hand for something clever to say
Don't go away
'cause I want

ჭუჭყიანი მანქანები

2010-06-25T21:19:00.000+04:00

მანქანა გაქვთ გასარეცხი? რა პრობლემაა. მიუყვანეთ იგი სკოტ ვაიდს და მისგან ხელოვნების ნიმუშს შექმნის. აი, ამას ჰქვია მიეცი ნიჭსა გზა ფართო და ფანტაზიას გასაქანიო :D

ანეკდოტი

2010-06-18T23:44:00.003+04:00

საერთოდ, იშვიათად რომ ანეკდოტზე გამეცინოს, ჰოდა ეს იმ იშვიათდაგანია, ძალიან ბევრი ვიცინე :D

Пользуясь случаем, хочу передать своей девушке привет и поздравить её с Днем строителя. Уже три года она строит из себя х@й знает что.

+1 ჩანთა ჩემს კოლექციას

2010-06-17T21:35:00.004+04:00

რამდენიმე დღის წინ ფორუმზე ჩანთის ფოტოს წავაწყდი, თუ სწორედ მახსოვს, პოლსკის დადებული იყო. ძალიან მომეწონა, გულში ჩამრჩა, დავქექე, რომელიღაც ონლაინ მაღაზიის საიტზე წავაწყდი, მაგრამ გაყიდული იყო. ბევრი არც მიფიქრია, გადმოვალაგე ძველი ქამრები (იმედია ოჯახის წევრები არ მოიკითხავენ), ძველი ჩანთა (CD ფლეერის), ნემსები, მახათები, ძაფები, მაკრატელი, წებო (წებო, ჰო) და შევუდექი საქმეს.

3 საღამოა დავფოფინებ და მოვრჩი. ძალიან მომწონს. რამდენიმე ლაფსუსი გამეპარა, უბრალოდ ბალთა უკუღმა მოექცა და შეკვრისას ვარდება, მარა მოვიფიქრებ გამოსავალს :)

თუ ვინმეს რამე ლამაზი (ან უშნო) ქამარი გაქვთ სახლში, შეგხვდებით სადმე და ვიჩუქებ სიამოვნებით. მინდა ცოტა დიდი ზომის შევკერო.

ესეც ჩემი ნახელავი, შემიფასეთ :)

ეს ორიგინალი:

შატალო

2010-06-14T18:10:00.002+04:00

იძულებითი შატალო ნაყოფიერად გამოვიყენე და აგერ, შედეგიც არის, შევცვალე ბლოგის დიზაინი. ჯერ ბოლომდე არ მიმიყვანია, თუმცა წვრილმანები დამრჩა მხოლოდ.
აბა, ვარგა?

შეგრძნებები

2010-06-09T22:55:00.007+04:00

Roisin Murphy - Ruby Blue

მე, მირა, მემე, ბუჟგულა, თათია და მარი დიდ ოთახში,
პიჟამოებით, კოქტეილებით,
ბუხართან,
მუსიკა ხმამაღლა აუცილებლად და
ცეკვა, ბევრი ცეკვა!
დაახლოებით ისეთი დახურული წვეულება, მერედიტ გრეის რომ შეეფერება :))

ჩემი დღევანდელი რაციონი

2010-06-05T22:48:00.004+04:00

ყავა
ნაყინი მარწყვის ჯემით
3 ცალი მოხარშული სოსისი
მაკის ნაყინი შოკოლადით
ნაყინი "სნიკერსი"
ცივი ყავა ნაყინით
ნაყინი ცოცხალი მარწყვით
7 ცალი ალუჩა
ყავა

:user:

მაისის წიგნის მიმოხილვა

2010-06-02T22:13:00.003+04:00

წიგნის დასახელებამდე ბევრი ვიფიქრე. ძალიან მინდოდა, რომ მოგწონებოდათ, ამიტომაც შევაჩერე არჩევანი "ნოეს შვილზე". ეს არის მორიგი წიგნი გერმანელებისა და ებრაელების ურთიერთობაზე. მათზე ბევრი თქმულა, ბევრი დაწერილა, ბევრი ფილმი გადაღებულა და ეს თემა კიდევ დიდი ხანი იქნება აქტუალური ხელოვანებისთვის.
რამდენიმე თვის წინ წავიკითხე და მიუხედავად იმისა,რომ არ მახსოვს არცერთი გმირის სახელი, მახსოვს შეგრძნება, პირველი ფურცლიდანვე რომ ჩამითრია, მუშაობის ყველანაირი სურვილი გამიქრო და სანამ ბოლოში არ გავედი, ვერ ამოვისუნთქე. მომეწონა, ძალიან მომეწონა. თან მარტივი ენითაა დაწერილი, რაც ჩემთვის ბევრს ნიშნავს და ვაღიაროთ, ეს ერიკ-ემანუელ შმიტს კარგად გამოსდის.

ძალიან მაინტერესებს თქვენი აზრი, მოგეწონათ?

პ.ს. ჩემი რჩევა, აუცილებლად წაიკითხეთ მისივე "ოსკარი და ვარდისფერი ქალბატონი"

Выборы! Выборы! Кандидаты - ...

2010-05-31T01:16:00.002+04:00

გული არ დავწყვიტე არავის.

ყავა და მარჯვე ხელები

2010-05-29T12:55:00.000+04:00

პოსტი ბიას, მიას და ყველას, ვისაც მართლა უყვარს ყავა.

ბენდუქიძე იუდა!

2010-05-27T11:57:00.004+04:00

რაღაცის გაკეთება მოვახერხე, რაღაცის ვერა. რაღაცეები შემეშალა, რაღაცეები სხვებს შეეშალათ. რაც გაკეთდა ქვეყანაში, ზოგი რამ მომწონს, ზოგი რამ არა.

კახა ბენდუქიძე

დღეს სრულიად შემთხვევით ბენდუქიძის ბლოგს წავაწყდი.
სასიამოვნოდ წერს ფრიად საინტერესოდ თემებზე.

მომწონს ეს კაცი. თანამშრომელმა დამცინა, აფერისტიაო. შეიძლება აფერისტიცაა, მაგრამ ყველა პოლიტიკოსი აფერისტია და ეს ჭკვიანი მაინცაა + ბლოგი აქვს და მარტივი ენით წერს მაღალფარდოვანი და გადმოქართულებული სიტყვების გარეშე.

აი ბლოგი

ჩემი კედები

2010-05-18T23:16:00.002+04:00

მასალა:

ვყიდულობთ სასურველი ზომის კედებს

ლენტებს (1 მეტრი იასამნისფერი, ნახევარი მეტრი თეთრი გამჭვირვალე)

ვწვავთ ბოლოებს ასანთით/სანთებელით/კვესაბედით/კაჟის ქვებით

ვუყრით

ვბანტავთ და

ვუალა!

ჩემი თაროს ბინადრები

2010-05-16T23:37:00.002+04:00

პრანჭია ბაყაყი
შეყვარებული ბაყაყი
სპილო
სპლიყვი
პინგვინი
დიდყურა მფრინავი ჟირაფი
ნიანგი ზვიანგი
ზროჰა
მეკობრე გოგო
გაფშეკილი ძროხა
და გამჭვირვალე გოჭი

არასრული არმია:

არის!

2010-05-16T13:33:00.000+04:00

ქართულ ბლოგოსფეროს კიდევ ერთი თემატური ბლოგი შეემატა. პოსტები - მხოლოდ ავტორის მიერ გადაღებული ფოტოები იქნება.
აი, ისიც: www.tornikez.blogspot.com/
შედით, დაათვალიერეთ, შეაფასეთ, შეიყვარეთ, გაავრცელეთ!

ესეც თორნიკეს მიერ დანახული მე.
ბუჰა <3

Erik Truffaz in Georgia

2010-05-15T10:50:00.005+04:00

მუსიკა კარგია
კარგი მუსიკა - თავისთავად, უფრო კარგია
კარგი მუსიკა ცოცხლად - ეს უკვე უდიდესი სიამოვნებაა

+1

2010-05-12T00:18:00.000+04:00

29

2010-05-11T00:04:00.006+04:00

შევაბერდით ერთმანეთს

მე და TV

2010-05-09T23:27:00.004+04:00

სამივე მათგანი დაბლოკილია. ამიტომ არ ვუყურებ ტელევიზორს!

შეუცვლელი თემები:

2010-05-08T22:36:00.000+04:00

Bus Stop (Gmail)

Hedgehog in the fog (Google Chrome)

Yay !

2010-05-06T23:20:00.003+04:00

მაისის წიგნი

2010-05-01T23:34:00.004+04:00

სალამი ყველას.

აი, მაისიც დაიწყო და ჩემი ჯერიც დადგა. უნდა წარვადგინო ამ თვის წიგნი. არჩევანი უკვე გაკეთებული მაქვს, თუმცა სულაც არ იყო ადვილი.

ჩამოყალიბდა თუ არა "ონლაინ წიგნის კლუბი", პირველი, რაც გამახსენდა, ელფრიდე იელინეკის "პიანისტი ქალი" იყო, ახალი ნაყიდი მქონდა და მაისს ველოდებოდი, რომ კითხვა დამეწყო, მაგრამ ცოტა ხნის წინ თვალი გადავავლე და მივხვდი, რომ არც თუ ისე კარგი ვარიანტი იქნებოდა. ჯერ ერთი, საკმაოდ სქელტანიანია და თან ძნელადაც იკითხება. თუ სამსახურებსაც გავითვალისწინებთ, ზოგიერთს შეიძლება მთელი თვეც კი დასჭირდეს მის წასაკითხად და რაღაც ვალდებულებასავით გამოვიდოდა.

ამიტომ, საბოლოოდ არჩევანი შევაჩერე ერიკ-ემანუელ შმიტის "ნოეს შვილზე". გარდა იმისა, რომ მოცულობით პატარაა, ერთი ამოსუნთქვით იკითხება და მერე მთელი თვე დაგრჩებათ თქვენი არჩეული წიგნებისთვის.

ბედნიერ თვეს გისურვებთ.

საშიში მათემატიკა

2010-04-28T23:46:00.006+04:00

სახლში ვიპოვნე მათემატიკის ამოცანათა კრებული სახელწოდებით "სისხლიანი ცხრა აპრილი" და ქვედა ნაწილში წარწერით: "ეძღვნება 9 აპრილს დაღუპულთა ხსოვნას".
მოვიყვან რამდენიმე მაგალითს, ნათელი წარმოდგენა რომ შეგექმნათ რა ხდება შიგნით:

*საბჭოთა კავშირს მანდილოსან ქალებზე და ქალწულებზე მონადირე სამხედრო ძალა ჰყოლია. მათი ხელით 9 აპრილს დაღუპულთა შორის არიან ქალები, რომელთა ასაკი ორნიშნა რიცხვებია, რომლებიც ერთი და იგივე ციფრებით არის ჩაწერილი. იპოვეთ ამ რიცხვებიდან უმცირესი.

*ქ.თბილისის 51-ე საშუალო სკოლის 1988/89 სასწავლო წლის კურსდამთავრებულებმა 9 აპრილს უდანაშაულოდ დაღუპული თანაკლასელების საფლავებზე მიიტანეს ვარდები და მიხაკები, სულ 253 ცალი. თამარ ჭოველიძის საფლავზე მიიტანეს იმ ყვავილების 5/6 ნაწილი, რაც ნათია ბაშალეიშვილის საფლავზე. იპოვეთ რომელი ამხანაგის საფლავზე მიიტანეს მეტი ყვავილი და რამდენით.

*თუ 1989 წლის 9 აპრილს უდანაშაულოდ დაღუპულ თამარ მამულაშვილის წლოვანებას გამოვაკლებთ ამავე დღეს დაღუპულ ჭაბუკის, მამუკა ნოზაძის წლოვანებას, მივიღებთ კვლავ 9 აპრილს გარდაცვლილის ასაკს. რამდენი წლის იყო ის?

აი, რატომ? რატომ უნდა მოგივიდეს თავში აზრად მსგავსი კრებულის გამოცემა? ან საიდან გაჩნდა ჩემს სახლში? რამდენჯერმე გადავხედე, მეშინოდა სადმე წარწერას არ გადავყროდი "ქეთინოს და ნათიას დედიკოსგან", როგორც წიგნების უმეტესობას აქვს, მაგრამ გადავრჩით!

p.s. წიგნი გაფორმებულია გარდაცვლილთა სურათებით, მოკლე ბიოგრაფიებით და მათდამი მიძღვნილი ლექსებით. და ბოლოში ტესტებია, უნდა გამოიცნოთ ვინ რომელ საათზე გარდაიცვალა, ვინ რამდენი წლის იყო, ვის რომელი ლექსი მიუძღვნეს და ა.შ. :((